5.1.4 สุมนตฺเถรคาถา
330.
585
“ยํ ปตฺถยาโน ธมฺเมสุ,
อุปชฺฌาโย อนุคฺคหิ;_
อมตํ อภิกงฺขนฺตํ,
กตํ กตฺตพฺพกํ มยา.
331.
586
อนุปฺปตฺโต สจฺฉิกโต,
สยํ ธมฺโม อนีติโห;
วิสุทฺธญาโณ นิกฺกงฺโข,
พฺยากโรมิ ตวนฺติเก.
332.
587
ปุพฺเพนิวาสํ ชานามิ,
ทิพฺพจกฺขุ วิโสธิตํ;
สทตฺโถ เม อนุปฺปตฺโต,
กตํ พุทฺธสฺส สาสนํ.
333.
588
อปฺปมตฺตสฺส เม สิกฺขา,
สุสฺสุตา ตว สาสเน;
สพฺเพ เม อาสวา ขีณา,
นตฺถิ ทานิ ปุนพฺภโว.
334.
589
อนุสาสิ มํ อริยวตา,
อนุกมฺปิ อนุคฺคหิ;
อโมโฆ ตุยฺหโมวาโท,
อนฺเตวาสิมฺหิ สิกฺขิโต”ติ.
590
… สุมโน เถโร… .