5.1.7 คยากสฺสปตฺเถรคาถา
345.
603
“ปาโต มชฺฌนฺหิกํ สายํ,
ติกฺขตฺตุํ ทิวสสฺสหํ;
โอตริํ อุทกํ โสหํ,
คยาย คยผคฺคุยา.
346.
604
‘ยํ มยา ปกตํ ปาปํ,
ปุพฺเพ อญฺญาสุ ชาติสุ;
ตํ ทานีธ ปวาเหมิ’,
เอวํทิฏฺฐิ ปุเร อหุํ.
347.
605
สุตฺวา สุภาสิตํ วาจํ,
ธมฺมตฺถสหิตํ ปทํ;
ตถํ ยาถาวกํ อตฺถํ,
โยนิโส ปจฺจเวกฺขิสํ.
348.
606
นินฺหาตสพฺพปาโปมฺหิ,
นิมฺมโล ปยโต สุจิ;
สุทฺโธ สุทฺธสฺส ทายาโท,
ปุตฺโต พุทฺธสฺส โอรโส.
349.
607
โอคยฺหฏฺฐงฺคิกํ โสตํ,
สพฺพปาปํ ปวาหยิํ;
ติโสฺส วิชฺชา อชฺฌคมิํ,
กตํ พุทฺธสฺส สาสนนฺ”ติ.
608
… คยากสฺสโป เถโร… .