6.1.14 สพฺพกามิตฺเถรคาถา
453.
734
“ทฺวิปาทโกยํ อสุจิ,
ทุคฺคนฺโธ ปริหีรติ;
นานากุณปปริปูโร,
วิสฺสวนฺโต ตโต ตโต.
454.
735
มิคํ นิลีนํ กูเฏน,
พฬิเสเนว อมฺพุชํ;
วานรํ วิย เลเปน,
พาธยนฺติ ปุถุชฺชนํ.
455.
736
รูปา สทฺทา รสา คนฺธา,
โผฏฺฐพฺพา จ มโนรมา;
ปญฺจ กามคุณา เอเต,
อิตฺถิรูปสฺมิ ทิสฺสเร._
456.
737
เย เอตา อุปเสวนฺติ,
รตฺตจิตฺตา ปุถุชฺชนา;
วฑฺเฒนฺติ กฏสิํ โฆรํ,
อาจินนฺติ ปุนพฺภวํ.
457.
738
โย เจตา ปริวชฺเชติ,
สปฺปเสฺสว ปทา สิโร;
โสมํ วิสตฺติกํ โลเก,
สโต สมติวตฺตติ.
458.
739
กาเมสฺวาทีนวํ ทิสฺวา,
เนกฺขมฺมํ ทฏฺฐุ เขมโต;
นิสฺสโฏ สพฺพกาเมหิ,
ปตฺโต เม อาสวกฺขโย”ติ.
740
… สพฺพกามิตฺเถโร… .
741
ฉกฺกนิปาโต นิฏฺฐิโต.
742
ตตฺรุทฺทานํ
743
อุรุเวฬกสฺสโป จ,_
เถโร เตกิจฺฉการิ จ;
มหานาโค จ กุโลฺล จ,
มาลุโกฺย สปฺปทาสโก;
กาติยาโน มิคชาโล,
เชนฺโต สุมนสวฺหโย;
นฺหาตมุนิ พฺรหฺมทตฺโต,
สิริมณฺโฑ สพฺพกามี จ;
คาถาโย จตุราสีติ,
เถรา เจตฺถ จตุทฺทสาติ.