6.1.2 เตกิจฺฉการิตฺเถรคาถา
381.
650
“อติหิตา วีหิ,
ขลคตา สาลี;
น จ ลเภ ปิณฺฑํ,
กถมหํ กสฺสํ”.
382.
651
“พุทฺธมปฺปเมยฺยํ อนุสฺสร ปสนฺโน,
ปีติยา ผุฏสรีโร โหหิสิ สตตมุทคฺโค.
383.
652
ธมฺมมปฺปเมยฺยํ อนุสฺสร ปสนฺโน,
ปีติยา ผุฏสรีโร โหหิสิ สตตมุทคฺโค.
384.
653
สํฆมปฺปเมยฺยํ อนุสฺสร ปสนฺโน,
ปีติยา ผุฏสรีโร โหหิสิ สตตมุทคฺโค”.
385.
654
“อพฺโภกาเส วิหรสิ,
สีตา เหมนฺติกา อิมา รโตฺย;
มา สีเตน ปเรโต วิหญฺญิตฺโถ,
ปวิส ตฺวํ วิหารํ ผุสิตคฺคฬํ”.
386.
655
“ผุสิสฺสํ จตโสฺส อปฺปมญฺญาโย,
ตาหิ จ สุขิโต วิหริสฺสํ;
นาหํ สีเตน วิหญฺญิสฺสํ,
อนิญฺชิโต วิหรนฺโต”ติ.
656
… เตกิจฺฉการี เถโร… .