5.1 อญฺญตรเถรีคาถา
67.
109
“ปณฺณวีสติวสฺสานิ,
ยโต ปพฺพชิตา อหํ;
นาจฺฉราสงฺฆาตมตฺตมฺปิ,
จิตฺตสฺสูปสมชฺฌคํ.
68.
110
อลทฺธา เจตโส สนฺติํ,
กามราเคนวสฺสุตา;
พาหา ปคฺคยฺห กนฺทนฺตี,
วิหารํ ปาวิสิํ อหํ.
69.
111
สา ภิกฺขุนิํ อุปาคจฺฉิํ,
ยา เม สทฺธายิกา อหุ;
สา เม ธมฺมมเทเสสิ,
ขนฺธายตนธาตุโย.
70.
112
ตสฺสา ธมฺมํ สุณิตฺวาน,
เอกมนฺเต อุปาวิสิํ;
ปุพฺเพนิวาสํ ชานามิ,
ทิพฺพจกฺขุ วิโสธิตํ.
71.
113
เจโตปริจฺจญาณญฺจ,
โสตธาตุ วิโสธิตา;
อิทฺธีปิ เม สจฺฉิกตา,_
ปตฺโต เม อาสวกฺขโย;
ฉฬภิญฺญา สจฺฉิกตา,
กตํ พุทฺธสฺส สาสนนฺ”ติ.
114
… อญฺญตรา เถรี… .