5.10 ปฏาจาราเถรีคาถา
112.
163
“นงฺคเลหิ กสํ เขตฺตํ,
พีชานิ ปวปํ ฉมา;
ปุตฺตทารานิ โปเสนฺตา,
ธนํ วินฺทนฺติ มาณวา.
113.
164
กิมหํ สีลสมฺปนฺนา,
สตฺถุสาสนการิกา;
นิพฺพานํ นาธิคจฺฉามิ,
อกุสีตา อนุทฺธตา.
114.
165
ปาเท ปกฺขาลยิตฺวาน,
อุทเกสุ กโรมหํ;_
ปาโททกญฺจ ทิสฺวาน,
ถลโต นินฺนมาคตํ.
115.
166
ตโต จิตฺตํ สมาเธสิํ,
อสฺสํ ภทฺรํวชานิยํ;
ตโต ทีปํ คเหตฺวาน,
วิหารํ ปาวิสิํ อหํ;
เสยฺยํ โอโลกยิตฺวาน,
มญฺจกมฺหิ อุปาวิสิํ.
116.
167
ตโต สูจิํ คเหตฺวาน,
วฏฺฏิํ โอกสฺสยามหํ;
ปทีปเสฺสว นิพฺพานํ,
วิโมกฺโข อหุ เจตโส”ติ.
168
… ปฏาจารา เถรี… .