5.2 วิมลาเถรีคาถา
72.
115
“มตฺตา วณฺเณน รูเปน,
โสภคฺเคน ยเสน จ;
โยพฺพเนน จุปตฺถทฺธา,
อญฺญาสมติมญฺญิหํ.
73.
116
วิภูเสตฺวา อิมํ กายํ,
สุจิตฺตํ พาลลาปนํ;
อฏฺฐาสิํ เวสิทฺวารมฺหิ,
ลุทฺโท ปาสมิโวฑฺฑิย.
74.
117
ปิฬนฺธนํ วิทํเสนฺตี,
คุยฺหํ ปกาสิกํ พหุํ;
อกาสิํ วิวิธํ มายํ,
อุชฺชคฺฆนฺตี พหุํ ชนํ._
75.
118
สาชฺช ปิณฺฑํ จริตฺวาน,
มุณฺฑา สงฺฆาฏิปารุตา;
นิสินฺนา รุกฺขมูลมฺหิ,
อวิตกฺกสฺส ลาภินี.
76.
119
สพฺเพ โยคา สมุจฺฉินฺนา,
เย ทิพฺพา เย จ มานุสา;
เขเปตฺวา อาสเว สพฺเพ,
สีติภูตามฺหิ นิพฺพุตา”ติ.
120
… วิมลา ปุราณคณิกา เถรี… .