5.3 สีหาเถรีคาถา
77.
121
“อโยนิโส มนสิการา,
กามราเคน อฏฺฏิตา;
อโหสิํ อุทฺธตา ปุพฺเพ,
จิตฺเต อวสวตฺตินี.
78.
122
ปริยุฏฺฐิตา เกฺลเสหิ,
สุภสญฺญานุวตฺตินี;
สมํ จิตฺตสฺส น ลภิํ,
ราคจิตฺตวสานุคา.
79.
123
กิสา ปณฺฑุ วิวณฺณา จ,
สตฺต วสฺสานิ จาริหํ;
นาหํ ทิวา วา รตฺติํ วา,
สุขํ วินฺทิํ สุทุกฺขิตา.
80.
124
ตโต รชฺชุํ คเหตฺวาน,
ปาวิสิํ วนมนฺตรํ;
วรํ เม อิธ อุพฺพนฺธํ,
ยญฺจ หีนํ ปุนาจเร.
81.
125
ทฬฺหปาสํ กริตฺวาน,
รุกฺขสาขาย พนฺธิย;
ปกฺขิปิํ ปาสํ คีวายํ,
อถ จิตฺตํ วิมุจฺจิ เม”ติ.
126
… สีหา เถรี… .