5.4 สุนฺทรีนนฺทาเถรีคาถา
82.
127
“อาตุรํ อสุจิํ ปูติํ,
ปสฺส นนฺเท สมุสฺสยํ;
อสุภาย จิตฺตํ ภาเวหิ,
เอกคฺคํ สุสมาหิตํ.
83.
128
ยถา อิทํ ตถา เอตํ,
ยถา เอตํ ตถา อิทํ;
ทุคฺคนฺธํ ปูติกํ วาติ,
พาลานํ อภินนฺทิตํ.
84.
129
เอวเมตํ อเวกฺขนฺตี,
รตฺตินฺทิวมตนฺทิตา;
ตโต สกาย ปญฺญาย,
อภินิพฺพิชฺฌ ทกฺขิสํ”.
85.
130
“ตสฺสา เม อปฺปมตฺตาย,
วิจินนฺติยา โยนิโส;
ยถาภูตํ อยํ กาโย,
ทิฏฺโฐ สนฺตรพาหิโร.
86.
131
อถ นิพฺพินฺทหํ กาเย,
อชฺฌตฺตญฺจ วิรชฺชหํ;
อปฺปมตฺตา วิสํยุตฺตา,
อุปสนฺตามฺหิ นิพฺพุตา”ติ._
132
… สุนฺทรีนนฺทา เถรี… .