5.5 นนฺทุตฺตราเถรีคาถา
87.
133
“อคฺคิํ จนฺทญฺจ สูริยญฺจ,
เทวตา จ นมสฺสิหํ;
นทีติตฺถานิ คนฺตฺวาน,
อุทกํ โอรุหามิหํ._
88.
134
พหูวตสมาทานา,
อฑฺฒํ สีสสฺส โอลิขิํ;
ฉมาย เสยฺยํ กปฺเปมิ,
รตฺติํ ภตฺตํ น ภุญฺชหํ.
89.
135
วิภูสามณฺฑนรตา,
นฺหาปนุจฺฉาทเนหิ จ;
อุปกาสิํ อิมํ กายํ,_
กามราเคน อฏฺฏิตา.
90.
136
ตโต สทฺธํ ลภิตฺวาน,
ปพฺพชิํ อนคาริยํ;
ทิสฺวา กายํ ยถาภูตํ,
กามราโค สมูหโต.
91.
137
สพฺเพ ภวา สมุจฺฉินฺนา,
อิจฺฉา จ ปตฺถนาปิ จ;_
สพฺพโยควิสํยุตฺตา,
สนฺติํ ปาปุณิ เจตโส”ติ.
138
… นนฺทุตฺตรา เถรี… .