5.6 มิตฺตากาฬีเถรีคาถา
92.
139
“สทฺธาย ปพฺพชิตฺวาน,
อคารสฺมานคาริยํ;
วิจริํหํ เตน เตน,
ลาภสกฺกาเราสฺสุกา.
93.
140
ริญฺจิตฺวา ปรมํ อตฺถํ,
หีนมตฺถํ อเสวิหํ;
กิเลสานํ วสํ คนฺตฺวา,
สามญฺญตฺถํ น พุชฺฌิหํ.
94.
141
ตสฺสา เม อหุ สํเวโค,
นิสินฺนาย วิหารเก;
อุมฺมคฺคปฏิปนฺนามฺหิ,_
ตณฺหาย วสมาคตา.
95.
142
อปฺปกํ ชีวิตํ มยฺหํ,
ชรา พฺยาธิ จ มทฺทติ;
ปุรายํ ภิชฺชติ กาโย,
น เม กาโล ปมชฺชิตุํ.
96.
143
ยถาภูตมเวกฺขนฺตี,
ขนฺธานํ อุทยพฺพยํ;
วิมุตฺตจิตฺตา อุฏฺฐาสิํ,
กตํ พุทฺธสฺส สาสนนฺ”ติ.
144
… มิตฺตา กาฬี เถรี… .