5.7 สกุลาเถรีคาถา
97.
145
“อคารสฺมิํ วสนฺตีหํ,
ธมฺมํ สุตฺวาน ภิกฺขุโน;
อทฺทสํ วิรชํ ธมฺมํ,
นิพฺพานํ ปทมจฺจุตํ.
98.
146
สาหํ ปุตฺตํ ธีตรญฺจ,
ธนธญฺญญฺจ ฉฑฺฑิย;
เกเส เฉทาปยิตฺวาน,
ปพฺพชิํ อนคาริยํ.
99.
147
สิกฺขมานา อหํ สนฺตี,
ภาเวนฺตี มคฺคมญฺชสํ;
ปหาสิํ ราคโทสญฺจ,
ตเทกฏฺเฐ จ อาสเว.
100.
148
ภิกฺขุนี อุปสมฺปชฺช,
ปุพฺพชาติมนุสฺสริํ;
ทิพฺพจกฺขุ วิโสธิตํ,
วิมลํ สาธุภาวิตํ.
101.
149
สงฺขาเร ปรโต ทิสฺวา,
เหตุชาเต ปโลกิเต;
ปหาสิํ อาสเว สพฺเพ,
สีติภูตามฺหิ นิพฺพุตา”ติ.
150
… สกุลา เถรี… .