6.8 วิชยาเถรีคาถา
169.
231
“จตุกฺขตฺตุํ ปญฺจกฺขตฺตุํ,
วิหารา อุปนิกฺขมิํ;
อลทฺธา เจตโส สนฺติํ,
จิตฺเต อวสวตฺตินี.
170.
232
ภิกฺขุนิํ อุปสงฺกมฺม,
สกฺกจฺจํ ปริปุจฺฉหํ;
สา เม ธมฺมมเทเสสิ,
ธาตุอายตนานิ จ.
171.
233
จตฺตาริ อริยสจฺจานิ,
อินฺทฺริยานิ พลานิ จ;_
โพชฺฌงฺคฏฺฐงฺคิกํ มคฺคํ,
อุตฺตมตฺถสฺส ปตฺติยา._
172.
234
ตสฺสาหํ วจนํ สุตฺวา,
กโรนฺตี อนุสาสนิํ;
รตฺติยา ปุริเม ยาเม,
ปุพฺพชาติมนุสฺสริํ.
173.
235
รตฺติยา มชฺฌิเม ยาเม,
ทิพฺพจกฺขุํ วิโสธยิํ;
รตฺติยา ปจฺฉิเม ยาเม,
ตโมขนฺธํ ปทาลยิํ.
174.
236
ปีติสุเขน จ กายํ,
ผริตฺวา วิหริํ ตทา;
สตฺตมิยา ปาเท ปสาเรสิํ,
ตโมขนฺธํ ปทาลิยา”ติ.
237
… วิชยา เถรี… .
238
ฉกฺกนิปาโต นิฏฺฐิโต.