8.1 สีสูปจาลาเถรีคาถา
196.
264
“ภิกฺขุนี สีลสมฺปนฺนา,
อินฺทฺริเยสุ สุสํวุตา;_
อธิคจฺเฉ ปทํ สนฺตํ,
อเสจนกโมชวํ”.
197.
265
“ตาวติํสา จ ยามา จ,
ตุสิตา จาปิ เทวตา;
นิมฺมานรติโน เทวา,
เย เทวา วสวตฺติโน;
ตตฺถ จิตฺตํ ปณีเธหิ,
ยตฺถ เต วุสิตํ ปุเร”.
198.
266
“ตาวติํสา จ ยามา จ,
ตุสิตา จาปิ เทวตา;
นิมฺมานรติโน เทวา,
เย เทวา วสวตฺติโน.
199.
267
กาลํ กาลํ ภวาภวํ,
สกฺกายสฺมิํ ปุรกฺขตา;
อวีติวตฺตา สกฺกายํ,
ชาติมรณสาริโน.
200.
268
สพฺโพ อาทีปิโต โลโก,
สพฺโพ โลโก ปทีปิโต;
สพฺโพ ปชฺชลิโต โลโก,
สพฺโพ โลโก ปกมฺปิโต.
201.
269
อกมฺปิยํ อตุลิยํ,
อปุถุชฺชนเสวิตํ;
พุทฺโธ ธมฺมมเทเสสิ,
ตตฺถ เม นิรโต มโน.
202.
270
ตสฺสาหํ วจนํ สุตฺวา,
วิหริํ สาสเน รตา;
ติโสฺส วิชฺชา อนุปฺปตฺตา,
กตํ พุทฺธสฺส สาสนํ.
203.
271
สพฺพตฺถ วิหตา นนฺที,
ตโมขนฺโธ ปทาลิโต;
เอวํ ชานาหิ ปาปิม,
นิหโต ตฺวมสิ อนฺตก”.
272
… สีสูปจาลา เถรี… .
273
อฏฺฐกนิปาโต นิฏฺฐิโต.