5.10 จูฬปนฺถกสุตฺต
50.
449
เอวํ เม สุตํ— เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม. เตน โข ปน สมเยน อายสฺมา จูฬปนฺถโก ภควโต อวิทูเร นิสินฺโน โหติ ปลฺลงฺกํ อาภุชิตฺวา อุชุํ กายํ ปณิธาย ปริมุขํ สติํ อุปฏฺฐเปตฺวา.
450
อทฺทสา โข ภควา อายสฺมนฺตํ จูฬปนฺถกํ อวิทูเร นิสินฺนํ ปลฺลงฺกํ อาภุชิตฺวา อุชุํ กายํ ปณิธาย ปริมุขํ สติํ อุปฏฺฐเปตฺวา.
451
อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ—
452
“ฐิเตน กาเยน ฐิเตน เจตสา,
ติฏฺฐํ นิสินฺโน อุท วา สยาโน;
เอตํ สติํ ภิกฺขุ อธิฏฺฐหาโน,
ลเภถ ปุพฺพาปริยํ วิเสสํ;
ลทฺธาน ปุพฺพาปริยํ วิเสสํ,
อทสฺสนํ มจฺจุราชสฺส คจฺเฉ”ติ. (61)
453
ทสมํ.
454
โสณวคฺโค ปญฺจโม.
455
ตสฺสุทฺทานํ
456
ปิโย อปฺปายุกา กุฏฺฐี,
กุมารกา อุโปสโถ;
โสโณ จ เรวโต เภโท,
สธาย ปนฺถเกน จาติ.