6.3 ปจฺจเวกฺขณสุตฺต
53.
486
เอวํ เม สุตํ— เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม. เตน โข ปน สมเยน ภควา อตฺตโน อเนเก ปาปเก อกุสเล ธมฺเม ปหีเน ปจฺจเวกฺขมาโน นิสินฺโน โหติ, อเนเก จ กุสเล ธมฺเม ภาวนาปาริปูริํ คเต.
487
อถ โข ภควา อตฺตโน อเนเก ปาปเก อกุสเล ธมฺเม ปหีเน วิทิตฺวา อเนเก จ กุสเล ธมฺเม ภาวนาปาริปูริํ คเต ตายํ เวลายํ อิมํ อุทานํ อุทาเนสิ—
488
“อหุ ปุพฺเพ ตทา นาหุ,
นาหุ ปุพฺเพ ตทา อหุ;
น จาหุ น จ ภวิสฺสติ,
น เจตรหิ วิชฺชตี”ติ. (64)
489
ตติยํ.