7.4 ทุติยสตฺตสุตฺต
64.
618
เอวํ เม สุตํ— เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม. เตน โข ปน สมเยน สาวตฺถิยา มนุสฺสา เยภุเยฺยน กาเมสุ สตฺตา ( ) รตฺตา คิทฺธา คถิตา มุจฺฉิตา อชฺโฌสนฺนา อนฺธีกตา สมฺมตฺตกชาตา กาเมสุ วิหรนฺติ.
619
อถ โข ภควา ปุพฺพณฺหสมยํ นิวาเสตฺวา ปตฺตจีวรมาทาย สาวตฺถิํ ปิณฺฑาย ปาวิสิ. อทฺทสา โข ภควา สาวตฺถิยา เต มนุเสฺส เยภุเยฺยน กาเมสุ สตฺเต รตฺเต คิทฺเธ คถิเต มุจฺฉิเต อชฺโฌปนฺเน อนฺธีกเต สมฺมตฺตกชาเต กาเมสุ วิหรนฺเต.
620
อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ—
621
“กามนฺธา ชาลสญฺฉนฺนา,
ตณฺหาฉทนฉาทิตา;
ปมตฺตพนฺธุนา พทฺธา,
มจฺฉาว กุมินามุเข;
ชรามรณมเนฺวนฺติ,
วจฺโฉ ขีรปโกว มาตรนฺ”ติ. (77)
622
จตุตฺถํ.