1.8.11 อรณสุตฺต
81.
363
“เกสูธ อรณา โลเก,
เกสํ วุสิตํ น นสฺสติ;
เกธ อิจฺฉํ ปริชานนฺติ,
เกสํ โภชิสฺสิยํ สทา.
364
กิํสุ มาตา ปิตา ภาตา,
วนฺทนฺติ นํ ปติฏฺฐิตํ;
กิํสุ อิธ ชาติหีนํ,
อภิวาเทนฺติ ขตฺติยา”ติ.
365
“สมณีธ อรณา โลเก,
สมณานํ วุสิตํ น นสฺสติ;
สมณา อิจฺฉํ ปริชานนฺติ,
สมณานํ โภชิสฺสิยํ สทา.
366
สมณํ มาตา ปิตา ภาตา,
วนฺทนฺติ นํ ปติฏฺฐิตํ;
สมณีธ ชาติหีนํ,
อภิวาเทนฺติ ขตฺติยา”ติ.
367
เฉตฺวาวคฺโค อฏฺฐโม.
368
ตสฺสุทฺทานํ
369
เฉตฺวา รถญฺจ จิตฺตญฺจ,
วุฏฺฐิ ภีตา นชีรติ;
อิสฺสรํ กามํ ปาเถยฺยํ,_
ปชฺโชโต อรเณน จาติ.
370
เทวตาสํยุตฺตํ สมตฺตํ.