10.1.6 ปิยงฺกรสุตฺต
240.
1479
เอกํ สมยํ อายสฺมา อนุรุทฺโธ สาวตฺถิยํ วิหรติ เชตวเน อนาถปิณฺฑิกสฺส อาราเม. เตน โข ปน สมเยน อายสฺมา อนุรุทฺโธ รตฺติยา ปจฺจูสสมยํ ปจฺจุฏฺฐาย ธมฺมปทานิ ภาสติ. อถ โข ปิยงฺกรมาตา ยกฺขินี ปุตฺตกํ เอวํ โตเสสิ—
1480
“มา สทฺทํ กริ ปิยงฺกร,
ภิกฺขุ ธมฺมปทานิ ภาสติ;
อปิ จ ธมฺมปทํ วิชานิย,
ปฏิปชฺเชม หิตาย โน สิยา.
1481
ปาเณสุ จ สํยมามเส,
สมฺปชานมุสา น ภณามเส;
สิกฺเขม สุสีลฺยมตฺตโน,
อปิ มุจฺเจม ปิสาจโยนิยา”ติ.