11.3 อธิกรณมูลาทิ
343.
1715
จตุนฺนํ อธิกรณานํ กติ มูลานิ, กติ สมุฏฺฐานา? จตุนฺนํ อธิกรณานํ เตตฺติํส มูลานิ, เตตฺติํส สมุฏฺฐานา.
1716
จตุนฺนํ อธิกรณานํ กตมานิ เตตฺติํส มูลานิ? วิวาทาธิกรณสฺส ทฺวาทส มูลานิ, อนุวาทาธิกรณสฺส จุทฺทส มูลานิ, อาปตฺตาธิกรณสฺส ฉ มูลานิ, กิจฺจาธิกรณสฺส เอกํ มูลํ, สํโฆ— จตุนฺนํ อธิกรณานํ อิมานิ เตตฺติํส มูลานิ.
1717
จตุนฺนํ อธิกรณานํ กตเม เตตฺติํส สมุฏฺฐานา? วิวาทาธิกรณสฺส อฏฺฐารสเภทกรวตฺถูนิ สมุฏฺฐานา, อนุวาทาธิกรณสฺส จตโสฺส วิปตฺติโย สมุฏฺฐานา, อาปตฺตาธิกรณสฺส สตฺตาปตฺติกฺขนฺธา สมุฏฺฐานา, กิจฺจาธิกรณสฺส จตฺตาริ กมฺมานิ สมุฏฺฐานา— จตุนฺนํ อธิกรณานํ อิเม เตตฺติํส สมุฏฺฐานา.