8.29 สํเฆภินฺเนจีวรุปฺปาทกถา
อิธ ปน, ภิกฺขเว, วสฺสํวุฏฺฐานํ ภิกฺขูนํ อนุปฺปนฺเน จีวเร สํโฆ ภิชฺชติ. ตตฺถ มนุสฺสา เอกสฺมิํ ปกฺเข อุทกํ เทนฺติ, เอกสฺมิํ ปกฺเข จีวรํ เทนฺติ— สํฆสฺส เทมาติ. สํฆเสฺสเวตํ.
อิธ ปน, ภิกฺขเว, วสฺสํวุฏฺฐานํ ภิกฺขูนํ อนุปฺปนฺเน จีวเร สํโฆ ภิชฺชติ. ตตฺถ มนุสฺสา เอกสฺมิํ ปกฺเข อุทกํ เทนฺติ, ตสฺมิํเยว ปกฺเข จีวรํ เทนฺติ— สํฆสฺส เทมาติ. สํฆเสฺสเวตํ.
อิธ ปน, ภิกฺขเว, วสฺสํวุฏฺฐานํ ภิกฺขูนํ อนุปฺปนฺเน จีวเร สํโฆ ภิชฺชติ. ตตฺถ มนุสฺสา เอกสฺมิํ ปกฺเข อุทกํ เทนฺติ, เอกสฺมิํ ปกฺเข จีวรํ เทนฺติ— ปกฺขสฺส เทมาติ. ปกฺขเสฺสเวตํ.
อิธ ปน, ภิกฺขเว, วสฺสํวุฏฺฐานํ ภิกฺขูนํ อนุปฺปนฺเน จีวเร สํโฆ ภิชฺชติ. ตตฺถ มนุสฺสา เอกสฺมิํ ปกฺเข อุทกํ เทนฺติ, ตสฺมิํเยว ปกฺเข จีวรํ เทนฺติ— ปกฺขสฺส เทมาติ. ปกฺขเสฺสเวตํ.
อิธ ปน, ภิกฺขเว, วสฺสํวุฏฺฐานํ ภิกฺขูนํ อุปฺปนฺเน จีวเร อภาชิเต สํโฆ ภิชฺชติ. สพฺเพสํ สมกํ ภาเชตพฺพนฺ”ติ.